Te taniwha koretake

E noho ana tetahi taniwha koretake, ko Hamama, i te putake o Pukeako. Koia tera te taniwha me ona makawe pirikahu, ara, he kapua pouriuri e iri ake ana. Koia hoki tera te taniwha me tona reo whakamataku. A te wa ka tuwhera waha a ia, kua hia koe ki te oma atu, huna ai. I a ia e hamama ana, kia pena ana kupu ki tetahi hoari koi rawa atu e wero ana i te manawa. Ano hoki, tana ahuatanga riri i nga wa katoa. Ki te korero a ia ki tetahi...a, kahore tera i te ata whakarongo, kia tupato. Aianei, kua whati o wheua, kua maru haere to tinana i te patu o Hamama. Mo te aha te ata whakarongo ki nga kupu ngoikore, kahore he kakano maramatanga o waenga o aua kupu?  Aue!

I hoha haere te iwi ki tenei. No reira, i te hui ratou.

"Ka aha tatou? He pehea te whai i tetahi huarahi whaihua?" te aue o taku teina.
"Me patu... me patu kia mate!!" te whakahokinga o taku papa.
Ko taku te korero ngawari... "Me whakarite tatou i tetahi tarapu mona."
"AE!" te tautoko o te whanau.

Inaianei... Me awhina koutou ki te whakatakoto whakaaro mo taua tarapu...

He aha te huarahi pai ake ki te aukati i a Hamama?
a) Te hanga i tetahi mira tumatarau, no reira, i tana kitenga i a ia ano, e kore a ia e wehe.
e) Te arahi i a Hamama ki tetahi ana. A te wa ka hamama a ia, kua whati ona ake taringa.
h) He whakaaro ano?? Whakatakotoria mai!