I te timatanga he kōwhiringa tuhinga o nga tamariki tau 6 ki te 8 i tētahi whānau rūmaki reo e noho ana i te pito o Tamaki Makaurau. Whai muri atu ko ngā tamariki tau 5 ki te 6... heoi, i taku wehenga atu o te huarahi Māori, ka mokemoke ahau i te reo Māori. He tīmatanga i te tau 2014 ki te takoto mai i āku tuhinga. This started as a collection of writings by year 6-8, then year 5-6 children in an immersion Māori language whānau in Auckland. From 2014, it is just a place for me to write....
Ngā Paetukutuku Hāpai i te Akomanga
1/09/2014
Pōtara, arā, te kūaha rerenga matū
"Pīpī!..... Patinka!"
Ohorere katoa ahau... Kāore anō au kia tae ki tēnei taumata o te kēmu, PŌTARA!
Kua roa te wā, takaroa, i a au e kimi ana i te huarahi whaihua o te rūma nei. Ia wā ka kuhu atu au i te kūaha rerenga matū - tae atu ki te taupēhi i te pou-nuku koura - ka kati i ngā kūaha hoki... Hōhā!
Kātahi, i taka te kapa... Mehemea ka whakamahi ahau i tētahi o ngā mataono tūmatarau
me te hiriwā, māna te kūaha e whakawātea kia tūwhera!
I rere tōtika atu ahau ki te wāhi mutunga o te kēmu!
Ka waiata mai te rorohiko 'Kahuna Nui' (me te pōrangi) i tētahi waiata rā whānau ki a au??
"Nāu ahau i patu... kia mate.
Rā whānau ki a koe, kaingia keke ai.
Nāu ahau i taupēhi tonu... He aha ai?
Kei konei au hei kaiaromatawai mā te katoa
Ētahi ka mate i te mōrearea
Rā whānau ki a koe, kaingia keke
I a au e mate haere ai..."
I a ia e waiata ana, i taua wā tonu, ka kite atu ahau i te whare katoa me tana pakaru haere. I ngā pātū tae atu ki te tuanui, ka pūehu iho.
Nō reira, ko rere kau atu ahau, kei mate i ngā pōro kohatu taka haere ai!
Ka takahuri ahau, he pēnā ki te pōro poipīrori, kātahi ka peke whakataha.... PAHŪ!!!
Kua tūtuki tētahi pōro kohatu tipua rawa ki te papa. Ki te kore karo ahau, kei raro au e pūtu ana! Auē, taukiri e!
Ka mapu, ka muku atu tāku werawera i te rae, kātahi ka piki ahau, ka piki, ka piki, ka piki. Ka pā mai ngā hīhī o Tamanui te Rā, ko takoto au, nā, i whātoro au me taku harikoa....
Ka mate, ka mate? Kao! Ka ora, ka ora!
Portal-the-flash-version nā ArmorGames
Official Portal site - te paetukutuku tūturu mō Pōtara =)
Subscribe to:
Post Comments (Atom)
No comments:
Post a Comment